|
احس بوحده وضيقـه وهـمٍ يشبـه الكافـر
وحيدٍ عايشٍ لا لي رفيق ولا معـي صاحـب
|
|
واحس بداخلـي راحـه تـدور للتعـب اخـر
انام من العنا ماكل واقوم من الشقـا شـارب
|
|
بعد مافارق عيونـي حبيـبٍ يسكـن الناظـر
وصارالشارق بعيني اشوفـه كنـه الغـارب
|
|
ادور في خيالاتـي مكـان ايوسـع الخاطـر
عساي اجلس مع جرحي وقلبي ننطر الغايـب
|
|
عسى لا مرت عيونه وشافت حالـي العاثـر
تقول لقلبه ويرجـع يحـن ويبنـي الخـارب
|
|
اصبر دمعي بكذبـة يدمعـي باكـر و باكـر
يجيني من ترك فيني غـلاه وصـدق الكـاذب
|
|
ويقبل باكـر وكنـه هـذاك الزايـر العابـر
ويقفي تاركٍ بعـده سخـاه وجـوده الشاحـب
|
|
ويرجع دمعي بياسه حزيـن ومنكسـر حايـر
ويطعن خافق اوعودي بديـن اللايـم العاتـب
|
|
واعود اكرر الكذبه واقـول ان الفـرج باكـر
واسوي نفسي الصادق وصدقي فـالاصل كاذب
|
