اهدي لك الود وكل الود لك منـي
يامن جميع الوصايف تكتمل فيهـا
انتي هنا روح من بك صارمتهنـي
وانتي امل من حياته دوم مشقيهـا
يازين والله حضورك صاريجعلنـي
ابني فرح دنيتي وانسـى بلاويهـا
سطوت حضورك تراها دوم تلهمني
أن الغلا بك كمل لو مـن تواليهـا
وان الو صوف اعتلت معاد تمهلني
إني أبين غـلا نفسـي وخافيهـا
فاقت جميع الوصوف وكنك وكنـي
وتعدت حـدود مافاقـت خوافيهـا
ياليتك تشوف كيف البعد مشجنـي
وتشوف نفسي وجرح البعد ساطيها
اقسم لك اني على فرقاك متعنـي
وان السعاده ماعدت اجيب طاريها
بغيابك الكون كله صار في ضنـي
عالم صغيرن ولا يسـوى تعنيهـا
يا رسمة تكتمل في عالـم الفنـي
ويا تحفة منوجد منهـو يساويهـا
انتي وجودك بقلبي صار يجبرنـي
اهدي لك الود ونفسي وكل امانيها
