ماكل مركب يصمد بوجـه لهـوال ولا كل نفس(ن)في الشدايد  صبوره ولا كل من له شارب يعـد رجـال ولا المره في كل الاحـوال  نـوره لا واحسافه عمنـا شـر  النـذال والحر صارت سمعته في خطـوره بسبـاب منـه للتفاهـات  ميـال واكبر طموحه لى حضر قيم  كوره دايم مع امثاله بالاسـواق  جـوال بياع هرج ويشمت ان شاف عوره مايعتبر مالي له الصـدر  مدهـال وان جاه زله كنهـا وسـط  زوره ابيه سائـل قبـل ملفـاه مالخـال ان غاب يفقد والسعد في حضـوره الفرق شاسع بين غيث(ن)وهمـال وكلن يحصل ناتجـه مـن بـذوره احد(ن)اذا طاح ارتكز وان نوى طال وتثني البعض عثره تصادف مروره واحد(ن)جعل همه بتجميع  لمـوال متجـب الصايـب وتـبـاع زوره واحد(ن)يقوم اليل في خير  لعمـال همـه يشيـد للعواقـب قصـوره واحد(ن)على دور الخنا بذخ  بهبال واذا عطى يرسل للاعلام  صـوره واحد(ن)يمنه تجهل ان مد لشمـال قناعنه هي السبب فـي  سـروره مني نصيحه وضعها جاري  ارسال لـلـي ملـذاتـه تنسـيـه دوره لا تامن الدنيـا ويطربـك  مـوال الـي يزيـن ماثمـار محضـوره انظر نهايـة كـل جبـار مختـال كيف انهدم من ريح قصره  وسوره ماكل مايسمـع حقيقـي  وينقـال ولا كل من يفتي  سديد(ن)بشـوره بالعقل نعرف غبة البيـر  ماجـال والي بلوحه يختلف عـن  زبـوره شمس الحقيقه ماتغطـى  بغربـال والمصطفى نور بذا الكـون نـوره هو السفينه من مسك عروته نـال شفاعته لى حان موعـد  عبـوره الله يجنبنـا ثقـيـلات  لحـمـال ويجعل لنا ربي  نصيب(ن)بحـوره   منتديات مدماك الصفحات الشخصية ديوان شعراء مدماك متنفس اعضاء مدماك وسائط مدماكـ دورة مدماكـ لتعليم الفوتوشوب دورة مدماكـ لبرنامج الكليكـ التسجيل بالمنتدى صفحة القصيدة بقلم الواصل مجموعة مدماك البريدية الصفحة الرئيسية