|
يالغاليـه .. ياسكنـه محجـر العيـن
جيتك .. وفي ايدي من حروفي قصيـده
|
|
شفتي .. الضرير اللي فقد نور عينيـن
مسكيـن ادور مـن يقـديـه بـيـده
|
|
شفتي الغريب .. اللي قضى حول عامين
فاقـد هلـه مـع كـل شـي يريـده
|
|
شفتي السجين اللي انسجن ظلم مسكين
ضعيـف مالـه فـي امـوره سنيـده
|
|
شفتي القفار وشفتي المسلـك الشيـن
شفتي الطموح .. اللي حظوظه عنيـده
|
|
شفتي المريض اللي دعـا ربـه اليـن
هلـت دموعـه مـن دعـاه ونشيـده
|
|
شفتي التعيس اللي انقتل فيـه حلميـن
لـول لقـى و اخـر يشوفـك سعيـده
|
|
شفتي الظلام اللي غفـى تحتـه اثنيـن
واحد صحـى والثانـي اصبـح فقيـده
|
|
شفتي الفقير .. وشفتي العوز والديـن
شفتي اليتيـم .. وحالتـه يـوم عيـده
|
|
تدرين وش الـي سمعتيـه هاللحيـن
واللـي تعبـت .. اردده لـك واعيـده
|
|
هذي حياتـي .. كلهـاا يـوم تقفيـن
كـذا انـا لا صرتـي انتـي بعـيـده
|
