وش يعني اعرفك؟!

يعني لازم لما تكون معاي في المنتدى اخليك تحس انك ضيف عندي ..؟
ترى معرفتي فيك خارج المنتدى شي ووجودك معايه داخل المنتدى شي ثاني ..انت معايه
والا ..لا ..؟
ياسيدي ادخل وناقش وتقبل النقاش ترى كلمة اختلاف الراي لا يفسد للود قضية
يعني ما رح اتخلى عنك باي حال.. ورح تبقى صديقي واكثر كمان بس ترى داخل المنتدى لازم نتقبل اي نقاش.. ليه انت تفهمني غلط .. ليه تحسبني لما اناقش بحدة اني اكرهك او انت عدوي ..؟
هذا المنتدى للبحث عن المشاكل ..صح ..! ولكن في نفس الوقت نشوف الآراء
والحلول ..ولازم احدك بكلمه عشان اعرف كيف بيكون تفاعلك انت وغيرك مو عشان احدث فُرقة بين الاعضاء وكل واحد ينتظر راي خويه او خويته ويقول والله انه كفو وقف معايه .. لا.. وبعدين كوني استخدم بعض الالفاظ القوية يمكن عشان اطلع المخزون المعلوماتي اللي بداخلك مو القصد الاهانه والتجريح ليه الظن السيء ..؟

ياليت تفهمني زي ما انا فاهماك بعدين في شي اسمه عنصرالاثارة..ترى ياهوو كل المواضيع عاديه ما فيها شي جديد وكل الناس يناقشونها بس الفرق في المنتدى اني ما اشوفك ولا تشوفني ولا اسمعك ولا تسمعني يعني رح يكون اعتمادي على  الصورة الخيالية.. انت معايه ..؟ اتمنى ما احد يزعل لان الي بيزعل بعرف ان  صداقتنا زي الريشة في مهب الريح .. وانا بصراحة ما احب الصداقة من هذا النوع
يعني بالله لو ان صار بينا خلاف على اكبر من موضوع وش بسوي فيني ..؟
ابغاك تجاوبني لا تسكت ..  سكوتك هذا كيف افسره .. افسره انك مقتنع بكلامي ..؟ والا قاعد تقول في نفسك  هذي وش قاعدة تقول؟
..بصراحة ما ظنيت ان المنتدى الا بيقوي صداقتنا اكثر.. مو يخليك تروح تشتكي لفلان وعلان وتقوله شوف بنت الشيوخ وش رادة عليك .. هذي شايفة نفسها على ايش شايفة نفسها..؟ انت شوف ردها ولا كانها الا ملكة زمانها ما حد مالي عينها
.. بس الشرهه مو عليها على....

اتمنى اخواتي اخواني اثراء الحوارات بكل مافي كلمة حوارات من معنى يمكن تكون حوارات ساخنه بعض الشي وهذا هو المطلوب بس هذا حلاوة حوارات المنتديات لازم قوة الكلمه والاثارة حتى تقدر تقرا اكبر عدد ممكن من الآراء ,,
ادري انك مليت من كلامي بس والله ماقصدت شي يضايقك وحقك علي وهذي بوسة راس